[محمد عبدالله البدراني]

المشاركة الأصلية كتبت بواسطة اموااااج

قصيده مهداه لوالدي وقرة عيني
عندما كان في رحله عمل
وافتقدته كثير وثارت قريحتي بهذه الابيات
اتمنى ان تنال استحسانكم
وتبلغ سمو ذوائقكم

يا بوي يا مرجع هل الجود والطيب=يا صانع المعروف بهل الجمايل
ابوك من نسل الرجال الغواليب=وخالك عريب الجد واف الشمايل
سبحان من نزه وصوفك عن العيب=وعطاك من حسن الوصوف الفضايل
يا صقر يسكن فوق روس المراقيب=متعليٍ يرقى على كل طايل
يا عزوتي لا عدوا اهل المواجيب=يا مسقي العطشى بدهر ومحايل
يامعزب اللي ما لقى له معازيب=يلقى عقب حر الشموس الضلايل
ولا جتك حرمه تنتخي فيك يا الذيب=تستر بستر الله سود الجدايل
ويوم ان نخاك المبتلى بالمكاتيب=ويقول شاف من الزمان الهوايل
ما اخذك في شكواه شكٍ ولاريب=واصبحت له مثل السحاب الوبايل
يا نصر من صكت عليه الكلاليب=وجارو عليه اهل القلوب الغلايل
اعتقت نفسه من يدين المطاليب=بالمال والمبنى وحمر الاصايل
لك في دروب العز مجدٍ وتوجيب=تارد حياض الموت من دون حايل
ولا ثارت الهيجاء ركبت المراكيب=ورديت حقك بالسيوف السلايل
ولا جو جنودك يجمعون المكاسيب=مكسبك عند الناس طيب الفعايل
يابوي من بعدك بقلبي لواهيب=كن الخفوق بوسط حمر الملايل
الفكر معك وما لقى عنك تجنيب=والقدر مايبغى شهود ودلايل
يا بوي لا تبطي جروحي معاطيب=يا بوي بعدك حالي اليوم مايل
ابسألك يا الله يا عالم الغيب=تحفظ كريم الاصل واف الخصايل

اموااااج

اموااااااج لله درررررررررررررررررررك



قلتي فأجزلتي


صح السانك



تحياتي