[عذب القوافي]

أكبـر حـزن خيَّـم بعـام الثلاثيـن!=الظلم فـي غَـزّه, ومـوت الرياحـي
يـارب يامعبـود تنصـر فلسطـيـن=وترحـم فقيـد المرجلـه والكفاحـي
صباح يوم السبـت.. ذقـت الاَمرّيَـن=وش هالخبر؟..وش هالحزن ياصباحي؟
مرحوم يامذكور فيْ العسـر والليـن=ذِكـرِه بطيب,وعزّ,وامجاد..فـاحـي
ابو بدر غالـي ومـن قـوم غاليـن=ظهور السواني, موُرِديـن السلاحـي
جيره,وصحبه سايره فـي الشراييـن=وأنسـاب واعنوّه..ووَصـلٍ مُباحـي
وفيصل صديق..وله بقلبـي عناويـن=ماغيّـرت فيهـا هبـوب الريـاحـي
يابـو بـدر واللْـه ماحنّـا براضيـن=لكن حمام المـوت بالغصـب ناحـي
يامـال جنَّـة خِلـد بيـن الكريميـن=أهْــل السعد,والديِن,والاِنشـراحـي
ويحسن عزا ربعـك كعـام المعاديـن=وأهَلْك,واِعيالك..ومـاراح! راحــي
واِختامها.. ننعاك والدمع فـيْ العيـن=ونلقاك يافيصل فـيْ بـدر الرياحـي

الشاعر/عبدالرزاق الذيابي

منــــــــــــــــــــــــــــ ــــــــــــــــــــــــــــــ ـــــــنقــول