[الأموره]

ودي وحبي مايبي اليوم ودي = مدري وش اللي غيره تالي الوقت
كلما احاول فيه زاد التحدي = ومهما بذلت الجهد بالجد اخفقت
من بعد ذاك الولف امعن بصدي= زاد المسافه بيننا لا تبرقت
يمكن انا اخطيت من غير قصدي= ويمكن بفهمه بعدني ما تعمقت
صدك يحطمني واحس التردي= احاول اصمد وانت بي ما ترفّقت
كنك نسيت انك لقلبي مودي = وانك حسب قولك بحبي تعلقت
احيان اقول انك تخادع بجدي= واحيان اقول انك بعد ما توثقت
واحيان اخاف من العواذل تهدي= كلما بنيان وانت للهرج صدقت
ليتك تصارحني وتدري بسدي= لو ما احبك ليش بالبوح سبّقت
تعال نتفاهم بجزرٍ ومدي = ودربٍ بدينا نكمله كانك اشتقت
إلاّ اذا اخترت بالصد لدي= فيا حيسفا كاني بمثلك توهقت
لكن لي الله عالمٍ كل بدي= وانته لك اللي في غرامه توفقت

هذي كاااااااتبها بابه عوسمـآن

عشان زي ما يقول : صفصة كلام ، حتى بعض الناس ما يغثني يقول اكتب عاطفي ..انا ماني حق عاطفي
و

تراها ماهي للنشر ، فقط عشان نسد حلق بعض الناس


قلت احطها هنا احسن لي

مع انه على قولة المهآجر الكشكول للابداع الشخصي ههههههههه " انتاج صاحيه فقط