[عرق الماس]

المشاركة الأصلية كتبت بواسطة داعي الشوق

لا تعتذر ماعاد تنفعك الاعذار = خلاص يالمزيون حبك نسيناه
ما عاد بالخاطر لكم أي تذكار = تذكاركم هديت ساسه و مبناه
مالى بحبك وأنت خاين و غدار = درب الغدر يازين ما قد مشيناه
أخلصت لك بالحب ياشمعة الدار = واهديت لك قلبى وحبك شريناه
لرضاك عانيت المشقه والامرار = من شان من نهوى ومن شان عيناه
كنت الأمل عندى وانا كلي إصرار = أحضى بمعشوق ٍ بذاته عشقناه
واليوم لا والله لو صار ما صار = قلبى سمح من كان عينى تمناه
أعطانى إنذار وانا عطيته انذار = إنذار مكتوب بسببكم عطيناه
الحب له للي يعرفون مقدار = ماهو تسلي يا هوى من هويناه
حبك كشفته عقب ما جات الاخبار = إ نزاح و إسدل الستار و كشفناه
دور على غيرى من اشكالك كثار = ياما مثل شرواك عشنا وشفناه
عفتك وعافك قلب محروق بالنار = لا واحسايف وقتنا اللى قضيناه

حضرة الأستاذ داعي الشوق..

كم أثرت فيَّا حروفك..وكم شدَّتني تعابيرك..

بس ياغالي...اسمحلي بهذه الكلمه

كل انسان ممكن أن يتوه عن جادة الصواب

لسبب أو أخر...هذه فطرة البشر ..وهذا حال الدنيا..

والكريم من عفا وصفح وأجره على الله..

حروفك رائعه ولكنَّ وقعها مؤلم جدااا..

دمت بكل خير ياغالي...

منيه..