:
:
انا صغيرة سن
وانته
صغير (مقام)
وانا رفيعة شان
وانته
كبير (اعوام)
يمكن يجمعنا حروف
مع ارقام
لكن
وش جاب الثرى
عند
الثريّا..!
هيه ياللي كل دربٍ يوجع الخاطر رَحَلْتَهْ=سو ماودّك تسوي وافعل اللي تفعله
مثمر الاشجار يُرمى وادري انك ماقبلته=الوكاد انك رميت اللي تموت وتوصله
ثابته رغم العواصيف القوية واحتملته=راسيه مهما لي الامواج تاتي مقبله
وسلم جدي يا صغيّر في حياتي ماجهلته=وطول عمري مااتقرّب من دروبٍ مِخمله
لاتحاول تستغل الطيب يومنّي حملته=يا صغيّر راع منطوقك ولا لا تهمله
احتزمت بقو باس ومن جرحني ماختلته=عند وجهه باحكي له عن فعوله وعمله
وإعرف اني يا صغيّر لا بغيت الشي نلته=يا صغيّر ما سَلَم من قُدمي يحط ارحله
اتقي شر الحليم ان كانك بفعلك حملته=ماجمله لا طال حلمه يا صغيّر ماجمله
جاك قولي يا صغيّر افهمه لا عنه تَلتَه=وان جهلته يا صغيّر فعلي يوصلك له
اشكرك شكراً
على
كل ابتساماتي
رسمتها (اندهاشاً)
كلما تاتي
من طيبتي
ابتسم
في وجه
شماتي
وحلماً
على كل الذي تعمله
فيّا..!
:
: