يارجم سامحني من العــــام جافيك = لي مدة يارجـــــــــــم ما ادق بابك
عزلت انا يارجم ما عاد لـــي فيك =خلاص يارجـم العــــنا ويش ابابك
غيري كثير اللي يعــسك ويبــديك =وغيري يقـــــــدر ميلتك وانسيابك
يبيت في اطرافك ويبدي عواليك =وليا طرى طاريك جاك ورقي بك
هذي مباديهم وهذي تواليك = وهذا الغدا عندك وهذا العشا بك
لو انت ليل سرمدي يمكن اسريك =ولا يخفف شرهــــــتي بك عتابك
لكن تدري ليش انا دايم اغليك = عشان عكفان الشــوارب تهابك