[محمد عبدالله البدراني]

المشاركة الأصلية كتبت بواسطة مبارك أبوظهير

إقبلوها .. كما هي ..



*

ثلاث أيام أنا ماني مـْـتعافي=أشوف الشوق في جوّاك غافي
أغيب وغيبتي ماهي عزيزه=من فراقي أظنك ما تخافي
أبسال وينه الشوق الحقيقي=وليه الشوق جمره صار طافي
إذا أني لاسألت يضيق صدرك=ويظهر مابصدرك كان خافي
أمانه كيف نحيا به هوانا=وهذا الصد منــّـك والتجافي
أنا ماقلت لك كوني صريحه=وإلى منـــّـك وعدتيني تلافي
تلافي كل ما يزعل مبارك=لأنه واضح ٍ شفاف .. صافي
وأنا كد قلت لك كل شي عني=أموري البيــّـنه ولا ّ الخوافي
وقلت إنه يضيق الصدر وأزعل=على أدنى شي .. وأعلن بإنصرافي
أنا يوم اعترف لك كان قصدي=أوضـّح لك عيوبي بإعترافي
لذا لاجيت لك أسأل فـ كوني=على ماقيل كوني حضن دافي
ثلاث أيام أبسأل وين كنتي=أبي منــّك يجيني رد شافي

*




مبارك نايف أبوظهير[/align]

قابلك الله يابو نايف


ابيات قمه

الله على هالصخريه وكلماتها العذبه النديه



مليون مليووووووووووووون صح السانك

وعلا شانك



تحيتي وتقديري