[محمد عبدالله البدراني]

المشاركة الأصلية كتبت بواسطة عبدالله مذكر الحمدان

هــمٍ بـقلـبي صار صعـبٍ زوالــــه = حـاولـت فـيـه أيـروح لـكـن مــــازال
ويـزيـد هـمي لاطـرالـي مـجـالــــه = ويحرق لي اعصابي من الجال للجال
واصير كني وقت عصر الجهالـــه = وافــزوانـوي مـاطـرالـي مـن اهـبــال
واقـوم افـكر كـيف اقـطع احـبالــــه = واروي عــروق داخـل الـقـلـب ذبـــال
ويـغيب من بين المجالس اجـدالـــه = ويـصـيـر مـالــه بـيـنـنـا ذكـر وجــدال
ونرتاح من راع الفتن والضلالـــه = الـلـي يـنـقــل كـلـمـة الـقـيـل والــقــــال
وقـدام بعض الناس يفرد احـبالــــه = ولـيـا نــوالــه شـي يـعـقـد لــه احـبـــال
وكنه معك صاحب وراعي جمالــه = إلـيـن فـي هـرجــه ويـفـداك بـالــحــال
وقـلبه خـبيـث وفـيه تسعين حـالـــه = يـنـوي عـلـى شيٍ مايخطر على الـبــال
ويـقـول انـا راع الوفـا والجزالــــه = وهـو يـصـب الـكيـف من دون فـنـجـال
يـاللي تصب الـكيف وسـط البيالــه = الـــكـيــف يـبـغــالــه فـنــاجـيـــل ودلال
ويبـغاله اللـي يـظبـطه فـي دلالــــه = رجــلٍ ولــد رجـال من ظـهــر رجـــال
يـاخـذ من البـن الـمصـفـا زلالــــه = ويصب لهل العرف واصحاب الافعـال
أهل الكرم والجود واهل الشكالــــه = الـطـيــبن اللـي لـهـم ذكـــــر وابـطــــال
والا الردي خله مع اصغر عيالــــه = يـقـعـد عـسـى مـالـه مع الـنـاس مــنزال
عـاله ولوخـوى هل الطيب عالـــــه = حـالــه كــذا مـهـمـا يـغـير بــالاحــــوال
أهــم شــي انــه يـكـثـر حــلالـــــــه = يــمـوت فـي حـب الـتجــاره والامـــوال
ولـيـا بـغـاله شـي وسـط البـقـالـــــه = مـا يــقـدر يـطـلـع من افــلـوســه اريــال
والـطيب والـمعروف مـحـدٍ ينالـــه = غـير الـرجـال اللـي يـربـــون الاجـيـــال
تلقا الشجاعه والــكرم في خصالــه = فــطـره خـلقهــا الله مـاهي كـلمة ايقـــال
رايــه حـكـيـم ولايـــدور بــدالــــــه = ومـن زود طـيبـه صار يـضربـه امـثـال
وهـذي رسالـه مـاهي أيـة رسالـــه = وافـهـم يـابـو قـلـــبٍ مـغـطـى بـطــربــال
مـن شـاعـر هـمه بـقلبـه طـرالـــــه = ويــصـبر عـلى هـمـه لــون الـدهـر مــال

قصيده تستحق المرور دوما


لاهنت ياعبدالله


وبيض الله وجهك



تحيتي وتقديري