السلام عليكم جميعا والله ما ادري هاقصيدة تعجب والا لا لكن قررت انزلها وعلى الله
من كم يوم الصدر ضايق ومعتل=ومن ضيقتي عديت راس الطويلة
في مرقبٍ يشرف على الجو ويطل=واشوف نوٍ يم داره واخيله
واذكر زمانٍ فات لي معه واهل= دمعٍ تحدر مثل وبل المخيلة
ماحولي الا الذيب من مرقده مل=وجر العوى عساه يوحي قبيله
وردد صداه الضلع واوحاه وارقل= مادري طرب والا غدا له حليلة
ودري بوجودي معه فالضلع وإنسل=ولو كان سامرني فياطول ليله
ياذيب في كبدي من اقفايته غل=افرغه ياذيب باية وسيلة
ياذيب كان إنك تجيد الحكي قل=اكلمه والا تعود فشيلة
وابراج جوالي على شاشنه فل=وطرت علي اخبار ليلة وليلة
وإنعاد فلم الذاكرة من زمن زل=وقته ويحمل ذكرياتٍ جميلة
وإنتل معلوق الحشا لأجلها تل=تل الدبل للجيب لاافتر ويله
وقلت ازهمه جعله وليته ولعل=الى ذكر يقول زرني واجي له
ودقيت رقمه وانبرا ثم جلجل=ورده على حماي زود مليلة
يقول من هالغي ذا ماتبطل=تثبت خطا غيرك وجرمك تزيله
لك كم سنة طاوعت في المهبل=وصدقت من قال إلك تلقى بديله
معقول منك انهان هاللون وانذل=افا وافا والله بحقك قليلة
وقلبٍ حواك اعوام يهمل وينطل=نطل البدو لسراج مابه فتيلة
وتنقض نسيجٍ فاتله معك وتحل=عهدٍ ثلاث اعقود بالقلب اشيله