واقع (ن) عكّسْ جميع المفاريض
ما عاد ينفع فيه وضـع افتراضـي
واقع مرير ولا يجي فيه تعويـض
في مشكلة حاكم وشاهـد وقاضـي
زعلان أرادف كلمة الغيض بالغيض
وإن قلت أنا راضي فلاني براضي
وأروض الأبيات بالصدر ترويـض
لو أنها عسرت سكـون ومراضـي
قامت ترادف كنها جمـع تفويـض
غبت بحر ما عاد فيهـا مغاضـي
يهيض حرف الشعر بالشعر ويفيض
ومن حر ما فيني من الشعر هاضي
يكن في جوفي ضروب المباريـض
والهم في وسط المعاليـق فاضـي
راحت ولا هي راجعه بالمعاريـض
زادت بطول و زاودت باعتراضـي
عقب البناء يا شين دور التناقيـض
صعب البناء لا شك سهل النقاضـي
مابين تدبير (ن) وما بين تحريـض
وبرق الغدر بين الردييـن ناضـي
تحججوا في كل درب (ن) وتغريض
دك الظلام يضيـع فيـه البياضـي
حنا وردنا العسر من دون تجويض
يوم الردي عن جانب العسر جاضي
دايـم علينـا بالردايـا مراكيـض
ود الثعالـب للنمـور انقـراضـي
والحر لا من طـار زاد التناهيـض
والليا نزل يرقى بروس النهاضـي
راحت وحاديها سواد(ن) مع بيـض
يوم أبعدت زادت هجاج وركاضـي
يالله طلبتك من جنابـك معاويـض
والحكم حكمك ما عليه اعتراضـي
صالح سعود
صح لسانك ولاهنت
قصيدة رائعة
ترجمت روعة المعانى وصدق الاحساس
سلمت ودمت بخير