ماقلتلي ليه يابوخصر مياسي =ناساً تحبك علامك منت راحمها
المشكله ذاكره وهو الذي ناسي = حتى وعود المحبه مايتممها
مكذب لو أقول له من بين الأقواسي = أشقى حياتي وغربلها ويتمها
لو البلا شوق بقول له لاباسي = مير البلا خطتاً ماكنت راسمها
إنحست وأنا الذي ما نيب منحاسي = مابه حباري تسالم من صوارمها
أنكفت عنكم بعد ماخذت مرواسي = واليوم نفسي على مثلك مشيمها
بكره أذكَرك يلي دايماً قاسي = لابد يوم المراره منتقاسمها
مانيب خاسر لو أعلنتلكم إفلاسي = إللي مثيلك أرباحي من هزايمها