[الخنساء]

المشاركة الأصلية كتبت بواسطة ماجد العديلي

بسم الله الرحمن الرحيم

قصيدة كم أتمنى أن تلامس وجدانكم العطر :

يــا..إلهي .. ياإلهي .. ياإلهي.. يـا..إلهي=يامجيب لدعوة المضطر لا من جاك داعي
يا إلهي.. يالله الرحمن لطفـك يا إلهي=نقترب منك ذراع وتقترب يالله باعي
واسع الرحمة ولا له حد عفوك ومتناهي=ارحم من الأم لا شالت ولدها بالذراعي
يا إلهي كنت لاهي بين مال وبين جاهي=جيت لك عبدٍ ضعيف ويسألك خير المتاعي
جيتك بثلثً من الليل الأخير وكنت لاهي=عنك يالله وفي مناجاتك أصوّر انطباعي
السفينة بالبحر يالله وأنا لحالي متلاهي = كن جفني شراعها أو كن مجدافه ذراعي
غصت سبع بحور وربي كل ماشد انتباهي=اطلع بـ ..لولو من الإيمان يتوهج شعاعي
كن ظلمة ليل مسكوبه بعيني وكنت ساهي=لين مادج الدجى وبدر التقى شعشع وشاعي
كنت أسير الهم واهن كنت واهـم كنت واهي=طرت من ترك الذنوب وفي سماء الخير اندفاعي
كنت أخاف الظل لا ابعدت عنك يا إلهي=وتحت ظلك ما أهاب الموت من عزك شجاعي
أسألك زادٍ من التقوى وأنت آمـر وناهي=زدني علم وهب لي حكمه واجعلن للخير داعي
ولابسن ثوب العفاف ...ولونه من العفو باهي=الشكـور.. تدوم له والي جحد نعماك ضاعي
وإن قبضت الروح يالله للحرم خل اتجاهي=ساجداً لك والشهادة باللسان آخر وداعي
يا إلهي ...أحمدك حمداً كثيراً يا إلهي=والثناء لك يا إلهي ... وكل أمرٍ لك مطاعي

وسلامتكم ... مع كل الشكر لمروركم الكريم ..أخوكم أبوطـلال

صح لسانك ولاهنت
قصيدة جميلة
سلمت ودمت بخير