[نجم الإبداع]

ألأخوان الكرام

تقبلوا مني هذه الكيبورديه التي بنيتها على ضوء محاوره

للأخوان ابو عبدالله وابو زياد

أمل ان ترقى لذائقتكم الراقيه

وكل عام وانتم بخير

زان جزل القصيد وهزنا للسجالي = ليلة العيد زاهي نجمها والهلال
عيد الأسلام الاكبر فخرنا دوم عالي = الفرح فيه سنه للنساء والرجال
ابتسم في وجيه الخلق لو مانت سالي = وش يفيد التجهم وانت وافي الخصال
وانثر الطيب والفرحه وعذب المقالي = واسمح اخوانك وخلك من اهل الكمال
انس همك وعش للناس ساعات خالي = بين ربعك وجيرانك يطيب الوصال
بسمة الطفل معنى العيد فيها صفى لي = ناظر الطفل يوم العيد حاوي الجمال
فرحته فيه فطره من عظيم الجلالي = حسها يومها فينا اخفتت لامحال
شارك الطفل بالفرحه على كل حالي = ساعةٍ تشرح الخاطر بها لاتبال
والله ان الألم قد فاق كل احتمالي = جرح بالقدس خل اهل الخيانه رخال
الله يحميك يادار الكرم والفعالي = دار الإسلام نفدي سهلها والرمال
جعلكم في سعاده والوطن دوم غالي = والستر عام والرحمه علينا ظلال