طال انتظاري يالحبيب اترجاك = واخر خبر جاني تقافت ضعونك
وبيقيت افكر يالغضي كيف ابا انساك = وسريت مع طيفك وشكلك ولونك
طيفك سرابي في منامي وروياك = الله من اصدوف الليالي يصونك
وانه يوجهلك طريقك ومسعاك = لو ان حالي ذاهبن من شطونك
شطنتني واوردتني حوض الادراك = وضاع الامل يازين الاوصاف دونك
كنت اتمنى في وصالك ولاماك = وربيع قلبي ضحكتةٍ من سنونك
اعلاج قلبي ضحكتن من شفاياك = وربيع روحي يوم اشاهد عيونك
سبحان رب(ن) يادعج العين سواك = غض البصر والناس لاينظرونك
قليل يوجد بالمزاين حلياك = انا اعرفك والناس مايعرفونك