جاش صدري بالقصايد ثم زفر = قلت يا صدري ورا تزفر زفيـر
قال انا مليان بابيـات او شعـر = قلت خبرني اذا وضعك خطيـر
قـال والله ماحسبنـا للخـطـر = اتفكر فالبشـر واكتـم واسيـر
قلت قلي ويش شايف فالبشـر = البشر نوعين يسير او عسيـر
قال شفت انواع في كثر الشعـر = صاحي اومجنون وصغير اوكبير
نوع عايش في حياتـه مستتـر = ولو نشدته قال في نعمة وخيـر
ونوع منهم عايشٍ عيشة فقـر = ولو لفاه اضيوف اكرمهم بعيـر
ادعو الله يرزقه صبح او عصر = الله انـه يرزقـه خيـر كثيـر
ونوع متغطرس وعايش في كبر = يحسبنه فوق ذا الامـة مديـر
بالوهم عايش على سطح القمر = والضعيف طايحنٍ في وسط بير
ولو نصاه ارجال فالواجب قصر = راجعٍ لاصله حقيرٍ مـن حقيـر
دايـمٍ بيـن الهوانـم يفتخـر = ويرسلنه للبقالة فـي العصيـر
ودك النوعـه بقصـاف العمـر = لين تبقى الارض في عزٍ وخير
ونوع منهم يرفع الراس او يسر= من سلاله طيبه من بيت اميـر
جامعٍ ربعـه معـه لا تنشقـر= ويترك الجاهل على شان الكبير
تنشري بنته ولو غلـي المهـر = تنجب احرارٍ تظلي في الخضير
اصلها طيب صقور من صقـر = والصقر بين تعلا فـي المطيـر
وباقيٍ منهم بشـر مـا تنذكـر = مثلها مثل البهايم فـي الحظيـر
تصبح وتمسي بها الدنيـا تفـر = مانفع نفسـه ولا ينفـع لغيـر
اتفكر واتعجب واتحمد واشتكـر = اشكر اللي فوق ها الامة بصير
وطالبك يالله يا منشـي المطـر = تغفر اذنوبي ليا جاني المصيـر