[الخنساء]

المشاركة الأصلية كتبت بواسطة الطائر المهاجر

الله معك وانا معي جرح ذكراك= وضيقه تعاودني تنكد حياتي
الجرح ماله طب غير اني انساك= وانك مثل حلمٍ مضى في سباتي
لكن هي الضيقه اذا جات طرياك= ومعها نتايج فعلتك والسواتي
وانا السبب في كوني آثق بشرواك= احسبك مثلي بالعقل والسماتي
لكن تبين معدنك من خفاياك= وانك اناني فيك خبث الصفاتي
غروك من اغووك تفعل سواياك= ظنك تحضّر ماحسبت الشماتي
وتبي على كيفك مساري بدنياك= وانا على مبداي حتى وفاتي
ما تستحق انك اذا مت انعاك = ولا تستحق اني اعاني بسكاتي
رح لا رعاك الله في كل ممشاك= منتب كفو انك تعلق بذاتي
ابقطع عروقٍ بقلبي تفياك = وارجي العوض من عالم الخافياتي
ومع كل هذا الله يكفر خطاياك= ويوقظ ضميرك قبل وقت الفواتي

صح لسانك مليون ولايكفون
نص حزين وبوح صادق معبر
قصيدة جزلة ترجمت الالم والضيق
لاهنت فالجزالة معك دائما
سلمت ودام حرفك