|
1 يـابــوي مـاتـرحـم قـلــوب الحـبـايـبحطيـت دون العـرس قـفـل(ن) وبيـبـان |
2 ورديـت عـنـي يــوم جـونـي القـرايـبورديــت عـنـي عـيـال حــارة وجـيــران |
3 لاجا عريس(ن) قلت ويش انـت جايـبنـبـي عـريـس الـبـنـت تـاجــر ومـلـيـان |
4 مــدري تـبـي يـابـوي رجــال شـايــبعـود(ن) كبيـر الـسـن والعـظـم هـريـان |
5 لامـيـت(ن) يـقـبـر ولاهـــوب طـايــبوش ينفـع الشيـبـان صـبـغ(ن) وريـحـان |
6 واخـاف انـا مـن شــي لاصــار غـايـبمحـدن يلـوم النفـس وابلـيـس شيـطـان |
7 والاتــبــي رجــــال شـغـلــه نـهـايــبهمـه يجـب الـقـرش مــن ويــن مـاكـان |
8 ولامــر عــام(ن) قــال والله غـلايــبهـم(ن) وعلقـم ذقـتـه اشـكـال والــوان |
9 بـيــن المـحـاكـم بهذلـتـنـا الـطـلايــبيـريــد حـقــه كـامــل(ن) دون نـقـصـان |
10 ولا تـبــي يـابــوي رجــــال خــايــبهـمــه بـلــوت وعقـبـهـا فـــت كـنـكـان |
11 رجـل(ن) سفيـه وكـل ربعـه زلايــبماقـد صحـا دايـم علـى طــول سـكـران |
12 يقظـي حياتـه بيـن شـرطـي ونـايـبوانــا حيـاتـي بـيــن هـــم(ن) وحـقــران |
13 يـابـوي انــا جنـيـت وانــت اسبـايـبمـاكـن لــي قـلـب(ن)ودم(ن) وشـريـان |
14 الياخطـب بنـتـك عطـيـب الضـرايـبيـابــوي زوجـنــي ولانــتــاب خــســران |
15 في ذا الزمن شفت العجب والعجايبالبـنـت عـنـد البـعـض بـيـعـت بـالاثـمـان |
16 ان مـت حطـوا فـوق قبـري نصايـبلـعــل قـبــري صـــار لـلـنـاس بـرهــان |
17 وابـــي عـبــارة تنـكـتـب بالكـتـايـبالمـهـر حـــق الـبـنـت حـطــوه عـنــوان |
18 ومن قال مهر البنـت فيـه الكسايـباقـسـم بــرب الـعـرش لاشــك غلـطـان |
19 ويـاعـل مــن بــاع البـنـي للذهـايـبيـاعـلـهـم بــالاخــره وســــط نــيـــران |
20 واللـي سمـع هرجـي ولاهـوب تـايـبابــيــه يــرجــع يــــم ســنــه وقــــران |
21 وطلبت رب العرش معطي الوهايـبيهـدي ويبصـر قلـب مــن كــان عمـيـان |
22 وصــلاة ربــي عــد هـــب الهـبـايـبعلـى النـبـي المصطـفـى نـسـل عـدنـان |
|