|
الـمــوت حـــق وكـلـنـا ذايـقـيـنـه |
والنـاس كلـن لـه ذنـوب وخطـايـا |
عزيل حي(ن) شافت الموت عينه |
ينطـر متـى تصـدق وعـود المنـايـا |
يعيـش فـي جـرح وعـذاب وغبينـه |
روحـه تعنـت مــن ثـقـال الـرزايـا |
مـا فيـه مـن حولـه رجالـن تعينـه |
اليـاس سـوى فـي خفوقـه سوايـا |
بسـبـاب فزعـاتـه تـوطــاه ديـنــه |
خانـوا مقـامـه حاضنـيـن الصنـايـا |
يـوم الـدراهـم مالـيـات(ن) يديـنـه |
والنـاس تضـرب لـه سـلام وتحايـا |
الغـالـي احـمـد مــا لقيـنـا وزيـنـه |
شيخ(ن) ولد شيخ وسليـل الطنايـا |
ساعة نخاهـم دحـدروا مـن عرينـه |
مثـل الذيـوخ الـلـي تـشـم البقـايـا |
ما للوفاء عنـد ارذل النـاس عينـه |
جيش الكرم ضحكت عليه السرايا |
الهـيـس واضــح والـمـلا عارفيـنـه |
لــو كـثـر المكـيـاج عـنـد المـرايـا |
لكـن بـلاك العقـرب اللـي بطيـنـه |
تـلـدغ رجـــول الامـنـيـن الـعـرايـا |
لا جـاك ابـو وجهيـن محـلا رطينـه |
صديـق فـي وجـهـي عــدو بـورايـا |
حلـو(ن) نبـاه وكـل قلبـه ضغيـنـه |
قد سجل اسمك في سجل الضحايا |
يسحرك با اسلوبـه وعطفـه ولينـه |
واحيان يحضـر لـك رخـاص الهدايـا |
وان جاك نصح مـن الـذي خابرينـه |
تــقــول ذولا نـاقـلـيـن الـوشـايــا |
ما تـدري انـه هـو خـراب السفينـه |
نسـيـت يــوم ان الـنـوايـا مـطـايـا |
لكـن مـادام حبـال وصلـي متيـنـه |
مــع الالــه الـلـي يـعـرف النـوايـا |
وآمنـت بـا المكتـوب زينـه وشينـه |
وادركـت بـان الله كفيـل الرعـايـا |
مالـي ومـال اللـي يسـاره يميـنـه |
مــادام قلـبـي ماسكـتـه الحـنـايـا |
كل(ن) لـه طباعـه وفكـره ودينـه |
وانا لي اللـي عالـم(ن) بـا الخفايـا |
الفخـر للـي مـرضـي(ن) والديـنـه |
ولا مـات تبكـيـه الـمـدن والقـرايـا |
|