[فواز الغسلان]

الليل طال وسهر عينـي مـن غبـون الوقـت طـالويفرح بطول الليـل جفـن اللـي رقـد ماهـو عليـل

اليـوم جسمـي بالجنـوب ونبـض قلـبـي بالشـمـالليلـي طويـل الله يعـيـن الجـفـن باللـيـل الطـويـل

ياجرح قلب اللـي عشيـره بالعـرب صعـب المنـاللاصـار قلبـه مـن جميـع البـيـض مايـرضـى بـديـل

والله فـلا ترقـد عـيـون الـلـي فـقـد ذاك الـغـزالاللي رمانـي مـع بـراد العصـر فـي جـال المسيـل

انـا هقيـت ان المحـبـه ريــف روح وطـيـب فــالماكنـت اظـن العـوق للمخلـوق بالرمـش الكحيـل

وامسيـت اعانـي طلقـةٍ مثـل التـي صابـت طـلالاللـي رمـت شيـخ العـرب بالغـدر والخسـه قتـيـل

ريــمٍ حـلاهـا فــاق غـيــره بالـجـمـال وبالـكـمـالرمشـه رمانـي فـي سباريـت الخـلا عـابـر سبـيـل

واشيب عيني كان شوفه صار فـي حكـم المحـالوشفت الركايب عقب زين الوصل نـادت بالرحيـل

ويــن انــت يــاراع الربـابـه هاتـهـا يـاابـن الـحـلالخلـه كمـا ذيـبٍ بـراس الجـال تسمـع لــه عـويـل

واسجع بقاف اللي يسـوق القـاف بالـدرب العـدالورزقـك مـن اللـي لادعيتـه بالدجـى مـاهـو بخـيـل

اشكي صواديـف الزمـان اللـي خـذت زيـن الـدلالواشكي من هموم القهـر والغبـن والحمـل الثقيـل

اطـوي سباريـت الخـلا والشمـس بوقـوت الـزوالالقيـظ يكوينـي وانـا عطـشـان والممـشـى ملـيـل

لـو شفـت بيـرٍ فـي رفـاع القـاع ماعـنـدي حـبـالوالسـدر عنـدي بـس اخبـر السـدر مافيهـا مقـيـل

ومـا الـوم وقتـي كـان ميزانـه بـراع الجـود مــالهذا جزاء اللي مع صحاصيح الخـلا ينسـى الصميـل

لاشـك جـور الوقـت مـا جامـل عـمـام ولا خــوالولا هــو غـريـب لا قــدح بظلوعـنـا قــدح الفتـيـل

ولو كان ماياطى سوى اللي داس بدروب الخمـالماسـال دم الظلـم والعـدوان مـن عكـب الخلـيـل

وان ذقـت نــار الـغـدر فالـغـدار لــه رب الـجـلالوعيبٍ علـى اللـي سـاق للغـدار مـن غـدره مثيـل

تابـى شمايلنـا هـزيـل الـهـرج لــو طــال الـجـدالوالا نـجـي درب الهبـايـل والسـبـب هــرج الهبـيـل

واللـي رجيـت فزوعهـم للنـفـس لاطــال الـنـزالكـلٍ بصـف الخصـم شـال بوجهـنـا سـيـفٍ سلـيـل

يمكـن هــلال العـيـد ماينـشـاف عـنـد اول هــلالوبـدر السمـاء بالنصـف مايحـتـاج لظـهـوره دلـيـل

كل العـرب تشهـد مـع اللـي شـال حمـلٍ مايشـالمـار الفخـر بيـن العـرب بالـلـي يــردون الجمـيـل

اكـره دروب الهـون برجـالٍ رسـت مـثـل الجـبـالوالا بـوار النـفـس بـأهـل الطـيـب لا بــار العمـيـل

والا فأنا من فضل رب العرش راسـي فـوق جـالواقوى على ممشى الظمى والقيظ لو زملي هزيل

وان كـان تعديـل الطبايـع بالعـرب مـا لـه مـجـالمـاواحـدٍ مـنـا بحـكـم الله عـلـى الـثـانـي وكـيــل