اقتباس:
المشاركة الأصلية كتبت بواسطة فواز الغسلان
بأمـان الله فـي قـلـبٍ حـزيـن وخـاطرٍ مكسور=بأمـان الله ياجـرح الخـفــوق وبلـسـم جـروحه
بأمان الله واعـذرنـي ترانـي بالجـفــى مـعذور=حبيبك عقـب عـيـنـك عاف روحه يابعـد روحه
رحلت بلـيـلةٍ ظـلـمـاء قبل يـبـدى شـعـاع النور=مع ان الروح في فرقـاك تمـسـي شـبـه مذبوحه
حملت بخافقي جرحٍ عن عـيـون العرب مستور=والا ياكـثـر مـن يخـفـي بوسـط الجـوف ذابوحه
اذا زادت جـروح الروح مـزبانـه بروس الـقـور=يـبـي يرتـاح مـن كثرة جـمـوع الناس وطروحه
حدى روحي على الفرقى طعون المهزله والجور=وصبر الروح تحت الجـور مدري ويش مربوحه
مشيت بسـهـلـةٍ يجدع لـهـيـبــه تالي الـمـظـهـور=ولا داجـت مـضـامـيـهـا نجــوع الـبـدو وسروحه
تقول ان الحـصى يقــدح ويحـرق لافـح العصفور=واذا قامت رمـاح الـشـمــس كـن الـنـار مـقدوحه
قـنـيـب الذيب وسط الليل يقـطــع ظـلـمـة الديجور=عوى يشكي جحيم الجوع فـوق الظـلـع وسـفـوحـه
مثل حالي عـقـب فرقى عـيـونـك ياشـبـيـه الحـور=لما شفـت العرب تـنـشــد تـقـول الحـال وش نوحه
وقلت الـعـوق مـن كـونـي بـلا رفـقــه ولا جـمهور=وشـفــت الـقــفـل بأبـوابٍ هـقـيـتــه دوم مـفـتــوحه
ويكـفـي بـاب مـن نـادى كـلـيـمـه فـي جبال الطور=هـو الـلــي كـاتـبٍ رزقــي ورزق الـخــلــق فــي لــوحـه
ولو رزقي بحكـم الـنـاس شـالـوا زرعـي الـمـبـذور=لـو ان الـمـزرعـه فـيـهـا بـنــود الـزرع مـفـسـوحه
|
شاعرنا الرائع فواز...
الله,,الله,,الله,,
ماااااااااااااااااااااااأجمل حروفك وماأروعها
تسلم يدك ,,
عسى ربـي يعـيـن اللي عـلـى طيبه يـشـيـد جـسـور=بصدره خـافـقٍ يغـلـي قـصـور الـطـيـب وصـروحه
ويجـمـع خـافـقــي بالـلــي شـعــرها طــايـحٍ مـنثور=ويـطـفـي بالـحــشـى جـمــرة غــرامٍ كـايــدٍ فــوحـه
هو القادر يـعـيـد اركان قـصـر احـلامـنــا الـمهجـور=ويرحم مـن فـقــد لــذة هـوى الـمـحـبـوب ومـزوحه
يارب يكرمك بكل خير ويجبر خاطرك وكسرك,,
دمت بكل خير..