[الخنساء]

المشاركة الأصلية كتبت بواسطة حرف وشعر

ياجيرة الله من عنا الوقت ياعم=كلما رجيته يسعد القلـب عيـا
لول يصافيني ويقـول لـي تـم=واليوم عن رجواي وقتي تنيـا
واقول باكر يلفي السعد ويعم=ويلوف باكـر والسعـد ماتهيـا
من هم قلبي كن بالجوف ميسـم=يشوي افوادي بالغثابيـر شيـا
واللي تمني فزعة الوقـت ينـدم=مثل الذي يطلب انجـوم الثريـا
الوقت ماهو لـك ياقلـب فعلـم=الوقت مقسوم علـي كـل حيـا
ياما شربنا بالهوي شربة السـم=وياما تبعنا حـب ليلـي وريـا
وياما ركبنا بالهوي لجـة اليـم=وياماسرينا لاجـل لعبـا وغيـا
واليوم وش باقي من العمر ياعم=الاسنيـن تطـوي العمـر طيـا
دعيت ربي ياعسي الرب يرحـم=ويجعل لنا في تالي الوقـت فيـا

صح لسانك واعتلا شانك

جزلة من شاعر جزل

سلمت ودام حرفك