وش حيلتك لا صرت عايش والقدر خلاك ميت=دام الهموم العوج في صدري تحـط أرحالهـا
أنا اللذي عاف الديار الموحشه من دون بيت=وتركت منجمها الذهب وأحصونها وأموالهـا
تركتها لجل العيون الناعسـه يـوم انتخيـت=لا بـارك الله بالديـار اللـي تـذل أرجالهـا
وأعلنت لك كل الوفا والحـب لكنـك نويـت=على الفراق اللي حرق قلبـي وزاد اشعالهـا
حديتني وأعميتني وصبيت بالنيـران زيـت=وأنا اللذي صان العهد واحكمت فـك اقفالهـا
طعنتني يا صاحبي يـوم ان قدامـك بكيـت=ونزلتني في منزلً مـا عـاد هـو منزالهـا
ابتركك يا صاحبي واصبر وانا كنـي نسيـت=(ما للحمول الكايده يا كـود صبـر جمالهـا)
عندي كرامه وارتجي ربي وعمري ما انحنيت=وخليت انا بعض البشر تتعب ويصعب حالها
خلاص ابرجع للمكان اللي تركتـه وانتهيـت=ما عاد لي قدره على الصـده وانـا خيالهـا
وش حيلتك لا صرت عايش والقدر خلاك ميت=دام الهموم العوج في صدري تحـط أرحالهـا
محمد المزيريب