ناس (ن)لها حلم وامل بعض الخواطر تنكسر=تشكي الم تنزف جروح (ن) بعضها مايندمل
صمت اليتامى غيَب البسمة تموت وتنتحر=ورد الطفوله لافقد بعض الحنان طاح وذبل
ناس (ن)تشبَع بالغنى تطلب ترف تشقى بطر=تنسى مواجيب العطا تقصر اياديها بذل
تركض وراهزال العصرتجني خواء(ن) للفكر=في كل شي(ن)حولنا اصبح سريع ومختزل
حاجاتنا تقضى لنا صرنا تتباهى في كبر=تأنف أيادي مترفة تنجز لها اية عمل
عنف وغضب فبيوتنا أكثر ضحاياه الأسر=والمشكلة ان العصا ف التربية صارت مثل
بعض الصور فيها دمى في نصفها يظهر حجر=غاب الفكروالبحث ماله من نصيب الا الكسل
بعض العرب دايم تفتش كل شي(ن)مستتر=تجمع كراريس الوهم فيها فضول(ن) ماحصل
أهل الغدر من طبعها ما تطعن الا ف الظهر=باب المواجه عندها دايم قفا سم ف عسل
وشهى موايد عندها تقطيعها لحم البشر=في كل يوم وكل ليله ماتكل ولا تمل
صعب (ن)على الانسان لامنه طرح وجهة نظر= تغتال ثم تحتقر ترمى مع سلال الهمل
ودي شموع(ن)ف المدينة عمرها مايختصر=وديَ وجوه(ن) تبتسم فدروبها حلم وأمل