[الخنساء]

المشاركة الأصلية كتبت بواسطة عايد ربيع الحويطي

يابنت ياللي حلاك يتل كل الشبوح=الليله الموقف الغصاب يبغى جمل
وانا ببعض السوالف مابقى لي طموح=في وقت ساروا به العشاق كثر النمل
للحين اكابر وحاديني زمان لحوح=والنفس من كثرت الصكات جاها زمل
ماعاد عيني تخايل كل برق يلوح=والقلب غافي وبعض احيان مايحتمل
والحلم سر وراى الاضلاع عيا يبوح=ماترجمته المعاني واحتوته الجمل
ياقاضي الشام لك عامين وانته شحوح=ابطيت في مدت ايدينك ولم الشمل
لاتهدم اللي بنيته من طوال الصروح=مايكفى الحلم له عامين محتاج امل
يكفيني اللي صطابي من عميق الجروح=جروح طابت وجرح باقي ماندمل
ماعاد لي فالمحبه من مرام وطموح=اما البس العز ولا ما لبست السمل

للتميز والابداع عووووودة
لاهنت ودام حرفك