احسبك ورد الغلا اقطفـه واشمـه
لا ضقت جيتك نسيت اهلي وحيّاني
وظنيتك اللي من الاحباب ابا اهمـه
لا من لفيته عن القسـوه تلقانـي
ولا هل دمعي يناولني طرف كمـه
يقول خليه مـن ذكـراك عنوانـي
وظنيتك اللي ليا ضاقت بي اضمـه
واقول ماشيل همي وانت لأعيانـي
وظنيتك اللي اروح القبر ما اذمـه
اثرك همومٍ علـى همـي تبلانـي
ومادام ماانت الدوا ولا انتا ولد عمه
بالظلم والشك واقسا جرح تجزانـي
ابعد عن الدرب خل الجرح والمـه
مااشرب هماج النهر لو مت ظمياني
ودعتك الله وانا عهدي على الذمـه
القلب لك يالغـلا مايسكنـه ثانـي
شجون القصيد
كثير ما نوفي
وكثير ما نرى عكس ذاك
قصيدة راقيه تشكي وتجرح الكثير
احس ان القلب خالجها
وخالجته
تقبلي تقديري