أبيات متواضعة ،،
لا والذى يعلم بمكنون الالباب = إنك ملكت الروح يا كامل الزين
أنت الذي نهواه يا سيد الاحباب = وانت الوحيد اللي ملا القلب والعين
واللى حصل ما بيننا لوم و عتاب = و اللوم ما يجرح شعور المحبين
أرجوك تلطف بي ترا الحال منصاب = البعد عذبني و مجروح جرحين
جرح ملوعني الا الآن ما طاب = ما فاد في علاجه جميع المداوين
و جرح الغلا والشوق و الهجر وغياب = حالي صعيب اليوم و انتم بعيدين
مشتاق لك بالحيل يا عِز الاصحاب = في غيبتك حالي يعاني الأمرّين
تركتني يا زين و الحال مرتاب = أسهر طوال الليل و الناس ممسين
ولا والذى يعلم بمكنون الالباب = إنك ملكت الروح يا كامل الزين