[الخنساء]

المشاركة الأصلية كتبت بواسطة بعيد المدى

انا أشهد ان قلبي لطاريك فزي=يوم ان قالوا جالسٍ في حراويك
حنيت لك رد الجليس المقزي=وينك ووين اللي على البعد يرجيك
ضحكت له كاالقانع المستعزي=واخفيتها بالصدر عن قول وشفيك
عزاه يا فقد الخوي المعزي=اللي لياكثرة همومك يعزيك
ماهو الخوي اللي جداه التهزي=يضحك بشوفك طاوي الهم طاويك
شي ٍ يجوز وليا حصل لك يجزي=وشيءٍ لاحل ابداخل القلب يقزيك
هزي سموم الوجد للقلب هزي=لوفيه لوف الملح من خشم بلجيك
هزيه نارٍ وسط صدري توزي=وقودها أشواقٍ بقلبي تناديك
عليك ياللي هاجسه كل حزي=لوقلت أبنسى قال ماني بناسيك
روابعٍ مع كل بابٍ تدزي=ماكني الا شابك أيدُي بيديك
واتل قلبي ياقوام أمتوزي=ولاجديلٍ كنه الليل غاشيك
ولانهيدٍ تو بالصدر نزي=ولامبيسم كاالخويتم محليك
ياغايتي لك بيرق الوجد رزي=بين الحنايا واوجع المنشغل فيك
تقول من شريان دمي يمزي=يلج في وسط الضماير ونبكيك
مالي بجرحٍ بالمعاليق لزي=الا رجاء ربٍ من البعد يدنيك

صح لسانك مليون ولايكفون

قصيدة جزلة من شاعر جزل

سلمت ودام حرفك