زبدة ختام النصح
انا بخيرٍ واحوز النعم من دونك = ماني حسب ظن تفكيرك وترتيبه
ماباجد الا الردى واللوم وجنونك =وهزيل هرجٍ عظيماتٍ عذاريبه
من العما ماتشوف الناس بعيونك = وش من مساوي فروقٍ قمت ترقيبه
عفوا تناسيت عز الذات بظنونك = جامح بفكرٍ خلّي من كل تهذيبه
فيك المبادي مزايا جات من دونك = صديق قبل الوفا مرهق مكاتيبه
انصحك يا للي تهزهز رزة امتونك = الصمت قبل الهزل نادوا مطاليبه
المرجله ماتجيب االمدح بفنونك = مراجل االرجل عدلاتٍ مكاسيبه
لسانك حصانك افعالٍ يعلونك = ماهيب لحيه وشارب حف ترطيبه
المرجله في قيم واخلاق يطرونك = ماهي مسمى رجل وعقال تركيبه
وهي حوار يميز راقي إلحونك = هي بساله شّيم فقدوم ترحيبه
هيّا التنازل عن اشخاصٍ يمدونك = بالوصف فوق المعاني قدرها هيبه
المرجله بأختصار الهرج مضمونك = لك تحتسب عز والا جمع تسهيبه
ان تقبل النصح من ناسٍ يحبونك = احسن تبكيك عن شماتت الريبه
هذه النصائح معانيها يسرونك = عن ضحك من طبّلوا بالزيف ترغيبه
رجل الصحاري صقر لونه مثل لونك = له صولةٍ لا كفخ واطلق مخاليبه
يكفيك بعد النظر يا من يسمونك = وسهيل نجما تعلا في مراقيبه
وضّحت بعض الصفات لمن يعينونك = والدهر من يعتزل قوة مصاعيبه
يهديك ربك ماهم بالناس يهدونك = دعوة صديقِ نشا بالحب والطيبه
شعر/ الملتاعة