[ترانيم المطر]

المشاركة الأصلية كتبت بواسطة بعيد المدى

ليتك يومنك مضمر الصد عني=مقبلت يمي ضاحكٍ ثم صديت
ماجيت يالغالي على خمن ظني=ولعتني يامهجة الروح وأقفيت
احرمتني حتى حلاة التمني=وخليتني بعدك لاحيٍ ولاميت
ليتك ا تشوف الحال وش لون كني=بعدك تخبٌطني ا يدين العفاريت
والله لونٍي ثم والله لوٍني=ا ليا ندهتك قلت لبيه ناديت
لاشك ميئس كل صدك تجني=ومن صد مقفي مارجع لوتحريت
والله مدري شالذي حل مني=غير الغلا اللي لك بذرته ولاسقيت
يادمعتي في محجر العين كني=كني كما سرٍ عن الناس كنيت
ويانفس كم لي أنصحك لاتحني=مجبر اليا هزك له الشوق حنيت
يكفي عليك بدرب شوقك تعني=كثر التردد بين عله وياليت

الله الله

شاعرنا المميز

أبدعت وليس بغريب عليك الإبداع

جزاله في اللفظ

سبك وحبك منقطع النظير

دمت ودام بوحك الأكثر من رائع

تقبل تحيتي وتقديري

ترانيـــــــــــــــــــم