اقتباس:
المشاركة الأصلية كتبت بواسطة داعي الشوق
حيـــــــــــاك ياللي عالياتٍ مبانيك = يا مرحبا و اهلين و الجو رايق
لا تحسب اني يا هوى البال ناسيك = لا والذي محصي جميع الخلايق
إنك على بالي واقدرك وأغليك = عندي على شوقي و حبي وثايق
البال دايـــم يالغضي عند طاريك = كنك على بالي تطـــــل و توايق
و القلب لك خفاق باسمك يناديك = و العين تنطر شوفتك لو دقايق
ياللي الحلا و الذوق متجمعٍ فيك = عليك تاج الزين و العز لايق
حالي و روحي أمرها بين اياديك = من وين ما وجّـهت فيكم علايق
وضروف ذا الدنيــــــا علينا دواليك = يوم لنا و ايــــــــام تشعل حرايق
مدري متى تلطف على اللي يحاكيك = من زود حبك قال كل الحقايق
|
الله هالله
يا مبدع
روعه فوق التصور
ستويتها على نار هاديه
يا عيني عليك
يسلم قلبك لا هنت
و صح لسانك
ولك اهداء بيتين وارجوا السموحه
ادري بغلايا اليوم منّك وفيك = مير الهواجس غاليات الرفايق
دامك رحيب القلب والروح ترضيك = يا عزنا واشواق قلبي رقايق