السلام عليكم ...
كلما حاولت ابتعد عن
الناس ومشاحناتهم !!
جاء واحد شرح لي حالته
والقريحة جادت بهالمشاركة ...
عكّرالله مزاجه
لاصاريمنعك الحياء وانت محتاج = اوكان لك مع بعض الأقراب حاجة
وإلاّ رماك الحظ في موقف احراج = مع مزعج ٍ ماحد ٍسلم من احراجه
دايم وهو جوّه عواصيف وعجاج = وإلا مشى في الدرب طا يرعجاجه
ماعاد ينفع ،علتك طب ، وعلاج = من يكتم الشكوى ، على الله علاجه
مهما تحاول فيه ، ما منه مخراج = تكثر حلوفه ، لك ، ولا من خراجه
أحد ٍ طوال الليل مشعل لك سراج = وأحد ٍمن المغرب ، يطفـّي سراجه
وأحدٍ يرحّب بك على فلة ، حجاج = واحد ٍ أذا شا فك ، عقد لك حجاجه
يالله ، يا منزل من النـّو ، ثجـّاج = من معصرا ت الماء ، تحدّر ثجاجه
ياواحد ٍ نوره ، على الكون وهـّاج = نوّر ، فضاء الدنيا بشدّة ، وهاجه
إنك تبدّ ل كربة الهم ،، بإ فراج = وتوسّع الضيقة ،، لهم ،، بإ نفراجه
وكل من تكبّر، معـتلي قصرمن عاج = يا فالق الاصباح ،، د مـّر لعاجه
يشوف مايكره ، على كبده ، مزاج = عكّر مزاجي ، عكّر الله ، مزاجه
محمد بن عمار