[عمر ال شيبي]

المشاركة الأصلية كتبت بواسطة عيدالماجد

وراحت وانتهى معها غرامي الثاير المجنون= وبقت ذكرى تعذبني اذا بي مر طاريها
شكى من غدرها قلبي الجريح الباكي المحزون= وانا بيدي رسايلها ولكن ماني قاريها
تبكيني تعذبني تضيق كل فضاء الكون= وتخلي الروح تتشهد وتشكيها لباريها
اناجي وحدتي وهمي واسال يازماني اشلون= تبيع الحب والعشره وانا بالروح شاريها
يجاوبني الزمان المر كفاك بصدمتك مسجون= خلص لاتنتظر ترجع مياهك ليمجاريها
انتهت قصة غرامك قم محال ترجع المدفون= وماساتك وسط عينك محال انك تداريها
حكاية حبكم كل الملا صاروا بها يدرون = وفيت انت بعهودك صح وتلعب بك اثاريها
تحمل صدمتك بالصبر عذابك ينتهي ويهون= وهذي سنة الدنيا ضروري انك تجاريها

سلم قلبك لا هنت ابد