[عمر ال شيبي]

المشاركة الأصلية كتبت بواسطة ماجد الزيد

أعطيتهم عمري ونا توّني شاب=ماكنت اقصّر عنّهم لا طلبوني
الحين يوم الرّاس من جورهم شاب=ارجع معاهم مثل ماهم يبوني ؟؟؟!!
لله مهي لحية مشاريه وعتاب=قولوا لهم بالله لا ينتخوني
طيّب واحبّ الخير لاقراب واجناب=واعطي عدوّي إن قال تكفى عيوني
وافي مع العدوان , وشلون الاقراب=ادعي لهم ربّي وهم يرجموني
من طيب قلبي ظنّوا العقل منصاب=ما لومهم من زود طيبي كلوني
ياكثر ماشفت بحياتي من اصحاب=ويا قلّهم من شفت زادن ديوني
لا جاتهم هجمه من الضّد يا حجاب=نادوا علي / وْعن الظّهر ماحموني
ياسرع هجّتهم ايلا صارت انشاب=تشوفني تحمي يديني متوني
ون التفت اشوف اي العرب غاب=لقيت كل القوم راحوا بدوني
آجي لهم فزّاع ٍ بخيل وقضاب=وتملا سكون الكون / حملة جنوني
ارد عنهم باس قرضاب وكتاب=وياما على جيش الليالي خْذولني
اضمى ويسقوني سهر ليل شيّاب=وليا ضموا تسقي ضماهم مزوني
امطر لهم زرياب وازرعهم اعشاب=وبنار كهّان المشارق جزوني
خلّيتهم بالعزْ طويلين الارقاب=بنيتهم / ثم حاولوا يهدموني
الله عطاني ليث مع شومة عقاب=ماهو عطاكم يا بشر / صدّقوني
بيني وبين الخير ما يقفل الباب=وبيني وبين النّاس / ما عاملوني!
اللي يجيني طيب انا جيله احباب=واللي يجي بالشّر تعلْكه سنوني
ذيب ٍ ومشرف لي على راس مرقاب=غصب ٍ عليهم لو بيديهم رموني
بين العرب لكن تقل مهجر اغراب=صدري وطن يحكي لهم لا سمعوني

اسمعتها 7 مرات

وعلى مختلف لاوقات

بنيتها باحساس مؤلم
وظيقة صدر الله يعينك عليها

الين انها صادجه بالاحساس
وتعبر عن مكنونك الدفيني
صح لسانك لا هنت

والصبر بوصيك به