[محمد بن عمار]

المشاركة الأصلية كتبت بواسطة حسن الشريفي

دائماً لحظات اللقاء مربكة ..
وهذا ماحصل معي ..
عندما التقينا ..
ولكن ..

الدهشه



مستـغـربه .. كلّ هـ/الدّهـشـه
والرّبكــه اللي .. على مْحيّـاي
وانتي رموشـك .. لها رمـشــه
أنسى .. واضـيّع بهـا دنـيـاي
تـدرين .. وش سـبّة الربـشـه
ووش سـبّة الصمـت في ملقـاي
كـنتي بقلبـي .. على عرشــه
واليـوم اشـوفك هنـا .. ويّـاي
ودّي اسـولف .. ولك وحـشـه
لكن اشـوفك .. يضيـع احْكـاي
عـيني بليــل الشعـر .. عمشـه
وليـلك .. يتـوّه دروب خْـطـاي
ومهما يزيـد المـسـا .. غبـشـه
وجهـك بنـوره .. ضوى ظلمـاي
وانفـاسك العطْـر .. يا غرشــه
فاحت هنـاك .. وهنـا .. جـوّاي
وزيّـنـتي حنّــاك .. بالنّقـشـه
كنّـك تقـولين .. شف حـنّـاي
وآقـول .. لا واللـه البـلـشـه
لا جـت يمـيـنك .. على يمنــاي
فـديت صـوتك .. وهـ/ الرعشـه
حكيـك أغـاني .. وصـوتك نـاي
فـديت عمـرك .. تسعْ طـعـشـه
أرهـن لك اللي مضـى .. والجـاي
لو شافـك اللي .. ربـط عفشـه
ما عـاد سـافـر .. وعـوّد جـاي
ولو شافـك اللي .. حفـظ قرشـه
ضيّـع قروشــه .. ولا له .. راي
ولو شافـك اللي .. على نعـشـه
يفزّ يمـشـي .. مثـل ممـشـاي
و مستغـربه .. كلّ هـ/الدّهـشـه
والرّبكــه اللي .. على مْحيّـاي
واللـه رمـوشك .. لهـا رمـشـه
أنسـى .. واضيّع بهـا دنـيــاي

	السلام عليكم الله الله الله الاخ الفاضل / حسن صح قلبك وفكرك وكلك تحياتي لشموخك الراقي لاهان غاليك فديتك محمد بن عمار