اقتباس:
المشاركة الأصلية كتبت بواسطة ماجد المهدي
السلام عليكم ورحمة الله وبركاته
مساكم الله بالخير يا الفطاحلة
ابيات موجهه لسمي القلب قبل الاسم الشاعر : ماجد بن حمد الزيد
وما هي إلا كلمات طرت لي وسط معمعة هالدنيا فالسموحة من القصور
!
!
!
يا السمي عطني علومك لا وقلي هات هات = خلك الليلة سعيد ودام يومك بالسعد
هاك مني وصفها كل وصف فيها معجزات = عينها ورموشها سبحان خالقها الصمد
وجهها شمسٍ تشعشع نورها يحي النبات =شعرها لو اعقده مليون مره ما انعقد
ان تمشت ارضها تهنى بأغنى الطيبات = والزهر يبهج نسيمه والغصن مال وسجد
وجنها حمرة شفاها مأخذٍ نبع السمات= ضلعها المايل بخصرٍ بارزاتٍ لنهد
من شموخه يشبه اللي رافعٍ خشمه وآت = ضيعتني وقلت اهٍ يا السمي قلبي ركد
جفنها من زود حلوه يمتلك جل الصفات = ما بهي تشقير زوله يرقد اللي ما رقد
اشهد اني من حلاها عفت حورات البنات = والحبر والقلب والتفكير عني قد شهد
سائحاتٍ مؤمناتٍ فاقت اصناف الهبات = حيرتني وصرت اخشى من كلامي لو عند
خابرٍ نفسي شغوفٍ اعشقه حد الممات= لو تبي مني عيوني قلت هاكي والعهد
ان زغت عن غير دربك اصبحت مالساهرات = كيف تجْرئ بعْد ما عاشت امانيها برغد
في خفوقي لكْنةٍ واسئل من الله الثبات = كنها متميزه وما هي من الثقْلين ابد
وسلامتكم
تحياتي للجميع ولسمي مجود
ماجد المهدي |
صح الله لسانك يالسّمي وجاد بنانك على هالدرة الرائعة
تسنيدها لي تشريف لي من أخ فاضل عزيز على القلب
ولي عودة إن شاء الله تليق برقي حرفك ونقاء قلبك وعبقريّة فكرك
حماك الله يالسّمي