السلام عليكم
أحببت
بلا حدود
وكا فأني
من أحب
بالجحود
وبعد أن أصابت قسوته قلبي
بالتبلّد والجمود
يحدثني ويقول
أريد أن أعود
فـالسما عالـي ويغويـك الـدّلال = ياسحاب البخل مـا فيـك المطـر
انقضى عمري وانا اطلبك الوصال = وطاحت اوراقي مثل باقي الشجـر
وانقطع صوتي ينادي لـك تعـال = وفي مسافاتك صدى الصوت انتثـر
الغرور اللي لبس ثـوب الجمـال = علّمك تقسـى علـى كـل البشـر
علّمك تبقى علـى روس الجبـال = كن مالـك بيـن ضلعانـي مقـر
وكثر عشقي لك رحل بي للخيـال = ومـن مناجاتـك تعلّمـت السهـر
كنت اظن اني معك نلـت المنـال = وانني عايش على سطـح القمـر
واثرني بالأرض وغصوني طوال = وانت عن ملقاي غضّيـت النظـر
شوفني ملّيت مـن كثـر السـؤال = وانت ما ملّيت من كثـر الحـذر
لين مات احساس قلبي واحتمـال = لوسألته عنك ماعنده خبر
يا حسين الوصف يا عذب المقال = اعتبرني حلم والحلم انكسر
لاتواعدنـي بقطـرات الــزلال = وش بيعطي الما لقلب(ن) من حجر