[هاجس نجد]

أخواني الكرام
السلام عليكم ورحمة الله وبركاته
تعلمون بأن البخيل مذموم من الله والملائكة والناس أجمعين
هذه القصيدة كتبتها عندما كنت واقف مع أحد الأصدقاء على شارع عام وأثناء وقوفنا
تعدى من حولنا شخص كنا نحتفظ له بالود والتقدير ولكنه آشر بيده ولم يتوقف للسلام
علينا بالرغم من أنه مضى علينا وقت طويل لم نشاهده فيه.عندها كتبت هذه القصيدة على وجه السرعه وبغضب شديد وطلبت من صاحبي الواقف معي إيصالها له ولكنه رفض توصيلها بعد قرائتها . عند ذلك قمت بإعطائها لشخص آخر لإيصالها.
وبعدما وصلت إليه القصيدة . أنقطع عني ثلاث سنوات ثم عاد وقدم الإعتذار ولكن بعد فوات الآوان وإليكم القصيدة

يخسى اللذي لاشاف ربعه يصدي = خايف يقهويهم من البن فنجال
جنّب طريقٍ يم بيته يودي = خلّه خلافك لو تعرضت لجبال
ترى المراجل ورث جدٍ لجدي = وصعبنٍ تشوف الطيب في كل رجّال
ساس الردى يرجع لساسه يردي = حتى ولو تضرب بطيبه الأمثال
أحدٍ فقير ولا تشوف متردي = وأحدن ضعيف النفس لو يملك المال
وأحدن يودك وانت مثله تودي = تشفق عليه النفس من بد الأزوال
أبشر برجلٍ لو نخيته شقردي = صادق صدوق للمهمات شيّال
ماهو كذوب ٍكل هرجه تعدي = لا مر له طاري يقولون دجّال
لاجا المجالس تلحظ انه مصدي = والله يعزك ما يساوي له نعال
لا ترفده لو حدّه الدين حدي = مهوب كفوٍ لو بغى ربع مثقال

هاجس }{ نجــــد