[مبروك بن ماضي]

تقولي وش شغل بالك ونا كِل انـشغالي فيـك = غريبـه كيـف ماتبغينـي اتعجـب مـن سؤالك
ونا بعت العذارى كلهـن وازعلتهن ل ،ارضيـك = يـمـيـن الله مـابـــدل بـحـبـك حـــبٍ بْـدالك
احبـك حب مايقـبل ابـد يـاروحي التـشكيك = احبـك حب مايوصـف ولا يـخطـر على بـالك
أحبك اي نعم والله احبك حـيل واحلـم بيك = واعـزف لك على اوتـار الغـرام الـحان مـوالك
نعـم نستـاهليـن الحـب وإلا ويـش لـه أغليك = عطيـتـك كـل قلـبـي لك بـلا مِـنّـه هنـيا لك
مادام انك سكنـتي بـه انـا إمعاد ابـا أوصيـك = عليه. .اعتبـري انـه قـلبك الموجـود بـشمالك
والي منه خفق يابنت لـك مقصوده يـحاكيك = حـذاري ينكسـر مِنّـك لنبضاتـه خِـذي بـالك
بـلاه الله في حبـك يفـز لـي مـن ذكـر طاريك = ويتـعـذب ويتصـبـر عـلى مافـيـه (كـرمـا لك)
وانا اتخيلك في ساعة صفا كفي وسط كفيك = نعيـش إبـهـا وتتحـقـق لـي آمـالـي وآمـالك
حياتي كان ماودك تـجيـني اسمحي لي أجيك = نفـذ صبـري وانـا اترقب وانطـر حـزة وصالك
كفى قهري وتعذيبـي وظلمـي الله يـخلـيـك = تعالي واشفقي بالـحـال ربـي يشـفـق بحالك

مبروك بن سالم بن ماضي