يعلم الله من متى بالي صبور = والليالي السود تشهد والنهار
البياض بعارضي مثل البدور= سابق سنيني ولبسني وقار
طاهر الخفاق كاسيه السرور= راضي باللي قسمه الله وصار
قلبي الجبار ماهزه دبور= الدهور القشر في ناره شرار
الاحجه من تفتحها الزهور= راح عطر الورد وحجاجي عمار
باسمٍ وجهي وهالدنيا غرور= زادت الخافق سطارٍ مع سطار
بشر اللي هام فيها بالثبور= تاكل احلامه وعمره ماستثار
انتبه لياك والدنيا تدور = لاتومّنها ولا فيها قرار