خذني غـلا شـوق ٍ لجـل يحتوينـي= خذنـي عمـر باقـي عطيتـه بيمنـاك
خذنـي حكـاوي لا بغـيـت تحكيـنـي= عطني رقيق الهمس لامن سمعناك
خـذنـي بـلـذة حـبـك الـلـي يبـيـنـي= وعطني سواليف الغـلا لا دعينـاك
خذني عطش عشق ٍ رويته بعينـي= وعطنـي بقايـا رشفـة ٍ لا روينـاك
خـذنـي مسـافـات الـولـه تهتديـنـي= خذني وخذ منـي بقـى مـا عطينـاك
خذني سهر مـلّ السهـر مـا يبينـي= عطني جفون ٍ من منامـك رجينـاك
خذنـي دفـا بــرد ٍ تلـحّـف بيديـنـي= وعطنـي ومـدّ اليـد لامـن طلبـنـاك
خذنـي نفـس روح ٍ بهـا تحتوينـي= وعطنـي تناهيـت الولـه لا بكينـاك
خـذنـي بـدايـه عشقـنـا وأنتهيـنـي= صحيّـت ذكـرى وقتنـا مـا بديـنـاك
خذني مشاعر تشربك مـن حنينـي= عطنـي أحاسيـس الغـلا لا بغيـنـاك
خذنـي الليـال إللـي بغـت تحترينـي= وعطني وصالك لا تحريت عينـاك
خـذنـي عــروق بدمـهـا ترتويـنـي= عطني شرايين الشقـا لا ضمينـاك
خذنـي سواحـل بالنـوارس تزينـي= وعطني موانـي تتعبـك لا رسينـاك
خذنـي فـدا جـروح ٍ دواهـا سنينـي= وعطني مآسـي بالجـوارح فدينـاك
خذنـي وخـذ منـي وخـذ مـا تبينـي= آآمـــر تـدلــل ياحبـيـبـي لـعـيـنـاك
( نجد الضـــــــاوي )