[محمد عبدالله البدراني]

المشاركة الأصلية كتبت بواسطة ابومياس

اهديها لكم مع الحب والتقدير لقلوبكم النقية

يانعيم العود والوجه المليح =هذي يدّي في وصالك شدّها
مايصير انك على وصلي شحيح= والمشاعر كل يوم تصدّها
معجبك قلب(ن)من اسبابك جريح = وضيقة(ن) بالصدر واصل حدّها
كان هذا ماتبي خلك صريح = وكلمة(ن) تخجلك قالوا بدّها
ماتضيق الرجل بالكون الفسيح=ردها ياشيخ عني ردّها
ما اقول اني مكمل ما اطيح= ولو اطيح اكيد كبوه عدّها
دام انا لي بالعرب وجه(ن) فليح = كاتم(ن) والنفس مخفي سدّها
وماعلي من كلمة(ن) ماله نطيح =اترفع ما ادور ردّها
هي رسالة تحمل المعنى الفصيح= مرسلينه بالبريد ليدّها
الصحيح ان كان تطمح للصحيح= نفس راحت ماكسبنا ودّها
بس يمكن تستريح ونستريح= ودامها بالجد تظهر جدّها

العزيز الغالي ابو مياس سلمه الله

لله درك راااااااااااااائع

كان هذا ماتبي خلك صريح *********** وكلمةٍ تخجلك قالوا بدها

صحيح صحيح

والف مليون صح السانك ولاهنت والله

هذه تحياتي
مع اسمى ايات الشكر والامتنان فائق الاحترام واطيب المنى رعاك الاله