مفارق شايلٍ روحي ولاكِن الدروب طوال =مفارق والزمن لحظة وعين الحر سباقه
جمعت اوهام عمرٍ لي طويته قبل أشوف الحال=ولو الحال ماتسمح انا ماأرضي بـملحاقه
كسر حزن الجمل صوتي يصيح ولا لقى شيال=تهاوى والصدى يرجع يردد باقي أشواقه
انا وش عاد دنيايه وحياتي ترفض الآمال=وعمر الوقت مايصدق إذا يعجبك منطاقه
سؤال اليل عذبني يبي ولفه بكى وإنهال=كما طفل فقد امه دموع العين وإشهاقه
ألا ياليل احزاني دموعك ماله الحلاّل=ألا من وين أبلقالك ربيعِ تقطف أوراقه
ليا شفت الزهر ذابل ترى ماهومن الأهمال=مماته حق ياليلي ولكن والقدر ساقه
ولا أملك سوى دمعي وماأصعب دمعة الرجال=فلا تذرف أبد عيني لموت الورد وفراقه