[عذب القوافي]

	هذه الأبيات المتواضعه موجهه للأخ الشاعر (فريد الحرف) مع التحية --(( ريــح السمـــر ))-- شبيت ضوي بالمساء ثم هيّضن ريح السمر=ودلال صفر مبّهره والجمر دايـر حولهـا وفكّرت بالدنيا كثير ياعل قلبـي يعتبـر=عن حال ناس ٍ ضايعه مغترة ٍ فـي ضولهـا وجلست أجاوب هاجسي أكتب ويمليني شعر=وأرقى على متن البيوت اللي تجي وأقولهـا وأسند قصيد لصاحبي عدنان من أهل الظفر=شاعر ووافي لاكتب يظهر خوافـي لولهـا سلام يارجل ٍ وفي في صحبتك ليّ الفخـر=فيك التواضع والكـرم والمرجلـه تنولهـا شخص ٍ فهيم وعارف ٍ تفرق مطافيق البشـر=تميّز أصناف العـرب رديانهـا وزحولهـا ياصاحبي ياصاحبي ترى الردي عمره قصر=دام الرزاله منهجه يتعب يشيل حمولهـا وراع البخل ياصاحبي دايم حياته في خطـر=ناس ٍ رصيده بالعلال قامت تخيـط نعولهـا مهما ملك مهما ملك لو هو غني عاش الفقر=محروم ماله يجمعه واللي وراه ينولها بكره يخلي دنيته في حفرة ٍ وسـط القبـر=وتطفي شموع ٍ منوره ويعيش تحت ليولهـا وفي دنيتك كل ما تعيش ياما يمر ياما يمـر=مختلطـة ٍ يامسنـدي فريسهـا وذيولهـا أنا أشهد إنه دنية ٍ زادت على الخاطر قهـر=متقلّبه متقلّبه فـي عرضهـا فـي طولهـا والبعض ملفى للبشر به خير يشبه للشجـر=كل ٍ تظلل فيهـا كـل ٍ طعـم محصولهـا وألا الردي يبقى ردي راحت حياته في كدر=والناس بكره تدعسه من عملتـه برجولهـا تقديري للجميع ,,,,,,