[وليدالبسطي]

بسم الله الرحمن الرحيم


السلام عليكم ورحمة الله وبركاته

هذه القصيدة رثاء في والدتي رحمه الله التي وافاها الأجل في يوم الجمعة
الموافق 4/11/1430هـ

وتم تسجيلها بصوت الشيخ خالد الخليفة
جزاه الله كل خير

وأرجو من الله ثم من كل شخص يسمع أو يقرا هذه القصيدة أن يترحم على والدتي وعلى موتا المسلمين




(شعر الفرح من بعدها مايقالي)

قلبي شكا من جور هم الليالي=دق الزمن في ثومة الصدر مسمار
شح الزمن بالوجة لاما صفالي=وأنا على صكات الأيام صبار
أصارع الآهات والكل سالي=ونفسي تجرعني من الحزن الإمرار
وأطوح الونات وأبكي لحالي=والصدر ضايق كن في داخله نار
شمس الضحى يوم أختفت بالعلالي=أصبحت أنا مابين تايه ومحتار
من غاب نوره من سمايه وزالي= خيم سواد الحزن في جملة الدار
وصافي بيوت الشعر جاها مجالي=وبديت أصيغ من الحزن جزل الأشعار
وشعر الفرح من بعدها مايقالي=يحرم علي مابين ربعي وزوار
ياوجد حالي وجد فاقد عيالي=سبعة عيال بحادث ٍ عند دوار
شايب ضرير وراح عنه الرجالي=يندب صوابه من تصاريف الأقدار
ويالله طلبتك ياعزيز الجلالي=تجعل قبر أمي بجنات وأنهار
وصلاة ربي كل ماجا مجالي=على محمد عد مانبتت أشجار

وليد البسطي