أرجو قبولها .. / وصولها


*

أرفض أكون بدنيتي كـْـمالـــة عــدد
يوم إن غــيـــري مهــفي ٍ حــظـه هــفـــي

من فضل ربي ماخضعت أبدا ً لـ أحـد
عـــزمي قـــوي / ناري أبد ماتــنـطــفـــي

مـن خـلقـتي راسي ولا عـمره سجد
إلا لــربـي عــالــم الــســــر الــخـــفــي

أنـا بـطــبـعـي دايـمـا وافي عـهـــد
وبعــيــن طــبعــي شايفــن غــيــري وفـــي

ماعمري أخلفت بحـيـاتي للوعد
لــوهــو عــلى مـوتي أنا بــوعـــدي أفــي

أسهر لـ ضيقة صاحبي لو ما رقد
مــااغـــِـط في نــومي حـشــى لـيــن يغــفـي

واصل وأواصل من وصـلني للأبد
بـإحســان أجـــازي من نــكرني وأكــتــفـــي

ماهو ردى فــيني ولـكــنـــه مرد
للي تـــــردى بـــي وهـــذا مــوقـــــفــــي

أبوي عودني على ابشر بالسعـد
مــاهـــو مـعــودني عـــلى إنـي أخـــتـفـــي

طيب ٍ ورثــْـه العود من جد ٍ لـ جد
وانـا خــذيـتــه مـــن مـــواريـــث سـْـلــفـــي

في هالزمن كن الوفــا صابه رمد
يالله دخيلـك مـحـفــي ٍ عـيـــنــه حـــــفــــي

أعتب على نفسي وثقت بـْـ من جحد
صاحـب وكـان رْضــــاه هـــمــي وهـــدفــــي

كان اغلا عندي من غلا أبّ لـ لولد
مـاكـنــت احـســبه فــي بـعــادي مــكـتـفـــي

المستحـيلات بـْــزمــنــّـا ياحـمــد
(( الــغــول والـعــنـــقــاء والخـل الــوفـي ))


*

مبارك نايف أبوظهير