السلام عليكم ورحمة الله وبركاته من القلب للقلب تقبلوها مع صادق الحب
لاتحيرني
سألتك بالـذي صـوّر جمالـك لاتحيرنـي = معي والا مع الدنيا تعبت اتحمّـل اعـذارك
أنا من قلب حبيتـك ومـن يقـدر يغيرنـي = تعال وخيّر احساسي وشوف اشلون يختارك
برغم إن الفراق أرحم ولكن من يصبرنـي = خيالك ما هجر عيني ولا قد قـل مقـدارك
ولو حاولت نسيانك يجي طـاري يذكرنـي = وأحس انك هنا جنبي واجي مشتاق لاخبارك
ولو نومي تحداني طلب طيفـك يسامرنـي = وربي لو طلب روحي إلين تجيبك اقـدارك
أنامـن يـوم فارقتـك وهمـي مايفارقنـي = ومن غيرك مجرد جسم طاح بنص مشوارك
حرام ان الغرام اللـي يعمّرنـي يدمرنـي = كأني ذابـحٍ جـدّك وتـوك تفتكـر ثـارك
حبيبي قبل ماتنسى تذكـر كيـف يجبرنـي = خفوقي أهجر الدنيا وتصبـح دنيتـي دارك
أنا مالي أحد غيرك على كيفـك تسيرنـي = أنام بجنتك ليله وعشر اصحا علـى نـارك