معانقة أولى للانظار الكريمه عسى أن تجد صداها حافزا للمزيد والشكر لاخي ( صادق الاحساس) على دعوته للمشاركة في هذا المحفل الجميل ..
لاتقفل الخط في وجهي وتحرقني = الله يخليك لاتحرمني أنفاسك
أبيك تبقى معي لو كنت تسرقني =بس المهم انتبه لاتجرح احساسك
اسابق الوقت باشواقي ويسبقني = قل لي وش اللي يدور اليوم في راسك
بكيت يمكن من دموعي تصدقني = لاقلت لك والله اني .. شارب كاسك
ويلاه من هم طول الليل يطرقني = لين أذن الصبح واذني ترقب اجراسك
لو كان لي فيك حيله ماتفارقني = خليت الاخماس مني تضرب اسداسك
مدري متى ياشقا حالي توافقني =الامر بيديك والمقياس مقياسك
ياشين الاشواق بعدك يوم تغرقني = أقول يابنك صبري قرب افلاسك
تبي الصراحه ?!!غرامك جد مرهقني = الله يخليك .. لاتحرمني انفاسك
ناصر القزلان التميمي (( نديم الليالي ))
