هذه الابيات من قصيدة كاملة
من قصائد والدي ( سعد العتيبي ) يرحمه الله ،
ترا الرجال اشكال يا جاهل بهم = رجل شكيل ورجل ما به شكاله
رجلٍ على الشدات تلقى مسرته = في كل ما تحتاج يرخص حلاله
يمشي معك بالصدق و الطيب و الوفا = ماله مع الخلان شف و حياله
ورجل يحبك دام له فيك حاجه = و ليا قضاها عنك مقفي و داله
تغتر به و تقول ويش ذا الوليده = افعول حاتم كنها من فعاله
و ليا نقص مالك نحاء عنك و انتحاء = ضيع ريالك و هو جود رياله
ورجل بدل جاره ليا غاب جاره = اعيال جاره عدهم من عياله
ماهوب لاعنهم ولو كان خصمهم = سنة نبي الله راع الرسالة
ورجل يضع صيدته في عجاجته = من كثر ما يفلس تزايد هباله
لا نافع نفسه و لا منه تنتفع = قصير باع و قاصرات حباله
اللي عجز فى اول شبابه عن الثناء = في اخر شبابه ما يحوش الجماله
وختامها مني صلاة على النبي = اعداد ما ينشي ويمطر خياله