زمان الرجال الي عليهم ينوح عقاب=على الفطره قبل الدش ياصاح وفنونه
زمان الصفاء من قبل مانعرف الاجناب=ومن قبل هومبرقر وشاني وزيتونه
زمان المطر والخير مع منبت الاعشاب=وريح الخزامى والنفل مايملونه
تذكرت قبل سنين مرت ديار اقراب=زمان الرحيل وكل زاير يعزونه
سقى الله لياليهم وارى طيفهم ماغاب=صفا البدو جعل اهل الحضارات يفدونه
تغير زمانك يافتى وانتهى المرقاب=حرام الذي قد راح يرجع ويرضونه