اخواني اعضاء منتدى الفطاحلة الكرام اقدم لكم هذه القصيدة وارجوا ان تحوز على رضاكم .
زانت الكشتات والديرة ربيعي=جهزون الجيب ياللي عاشقينه
استوى لون الخضار بكل ريعي=كنه اللي في الحدايق زارعينه
رحلة لو يوم في الجو الطبيعي=اخير من مليون ساعة في المدينه
طول يومي من تليع في تليعي=فوق جيب للصحاري مصممينه
مجهز بالتيس وفراش ومتيعي=وكل مانحتاج فيه مجهزينه
مع خويا دايم صدره وسيعي=ماختلف في الراي مابيني وبينه
بكل شيا دايم ذوقه رفيعي=يحتملني لو طلبته نون عينه